ЛШ: Дали Аталанта ќе го расипе роденденот на ПСЖ?
Вечерва продолжуваат возбудувањата во фудбалската Лига на шампионите со натпреварите од четвртфиналето на завршниот турнир во Португалија.
Од 21.00 часот на стадионот „Да Луж“ во Лисабон екипата на Аталанта, досега најголемото изненадување во натпреварувањето, ќе ги одмери силите против ПСЖ.
Според најавите во италијанската екипа поради повреди немаат да играат Голини, Иличиќ и Паломино, а на спротивната страна за францускиот шампион поради жолти картони ќе недостасува Ди Марија.
Денеска париските „светци“ слават јубилеј 50 години од своето постоење (клубот формиран 12 август 1970), и имаат шанса роденденот да го крунисаат со учество во полуфиналето, а таму доколку триумфираат играчите на тренерот Томас Тухел против победникот од утрешната пресметка меѓу Лајпциг и Атлетико Мадрид.
– Тешко е да се игра против Аталанта. Ова е голем предизвик, но секогаш има можности – рече тренерот на ПСЖ, Тухел.