Црвена звезда вечерва во рамките од второто квалификациско коло во Лигата на шампионите во Албанија триумфираше со 0:1 против Тирана.

Белградските „црвено-бели“ успеаја да се пласираат во третата рунда благодарение на погодокот на португалскиот интернационалец Томане во 61 минута од средбата.

Кај домаќините целиот натпревар го одиграа двајцата македонски дефанзивци, Филип Најдовски и Кристијан Тошевски.

Денеска се одигра уште една балканска пресметка во елитното натпреварување, ПАОК со 3:1 го елиминираше Бешикташ.

На теренот во Солун сите погодоци беа реализирани во првото полувреме, за грчкиот претставник Цолис двапати се запиша во листата на стрелците, еднаш Пелкас, а на спротивната страна за турскиот состав стрелаше Ларин. Победата на домаќините можеше да биде уште поубедлива доколку Акпом реализираше пенал во 41 минута.