Фудбалерите на Реал Мадрид од 21.00 часот се домаќини на Челси, а во исто време Баерн во Минхен ќе го игра реванш натпреварот од четвртфиналето на Лигата на шампионите против Виљареал.

Баварскиот гигант ќе се обиде да ја анулира минималната негатива од првиот меч во Шпанија (1:0), додека „кралевите“ најмногу благодарение на Карим Бензема возвратниот дуел со лондонските „сини“ ќе го стартуваат со позитива од 3:1.

– Мали се шансите да го свртиме резултатот од првиот натпревар, но дефинитивно ќе се бориме до крај. Ќе се обидеме да покажеме подобри перформанси отколку на првиот меч – рече менаџерот на Челси, Томас Тухел.

Неговиот колега од спротивната страна, Карло Анчелоти, вели дека Челси не доаѓа во Мадрид со „бело знаме“.

– Челси доаѓа да се бори за пласман во полуфиналето. Знаат дека ќе биде тешко, но ќе се обидат бидејќи тоа е типично за големите тимови. Тие никогаш не се откажуваат. Го почитуваме Челси поради неговиот квалитет. Ќе се подготвиме очекувајќи подобар Челси од оној против кој игравме минатата недела. Ќе мора да работиме напорно за да бидеме во следната фаза – се зборовите на Анчелоти.

Баерн е пред голем предизвик откако на првиот меч на „Ла Керамика“ беше поразен од Виљареал со 1:0.

– Не можеме да им дадеме време да покажат квалитетот на теренот. Мора да правиме промени и да играме „валкан“ фудбал кога е потребно. Мораме да ги казниме што не ги искористија шансите на првиот натпревар – вели тренерот на германскиот шампион, Јулијан Нагелсман.

The semi-finals are in sight! 🫣

Who will qualify tonight?#UCL

— UEFA Champions League (@ChampionsLeague) April 12, 2022