ЛШ: Челси на мегдан со Атлетико, Лацио домаќин на „ранетиот“ Баерн
Денеска и утре се играат преостанатите четири први натпревари од осминафиналните дуели во Лигата на шампионите, поради коронавирусот Атлетико Мадрид во Букурешт ќе го пречека Челси, додека Лацио на „Олимпико“ е домаќин на актуелниот европски првак Баерн Минхен. И двата меча стартуваат од 21.00 часот.
„Јорганџиите“ иако и натаму се првопласирани во шпанското првенство, перформансите во последните неколку мечеви не им се највисоко ниво. На патот кон шампионската титула во „Ла Лига“ во пропуштија важни бодови и тоа во последните две кола против Леванте на македонскиот репрезентативец Енис Барди.
Останува да се види колку тоа ќе влијае во играта на Диего Симеоне кој на спротивната страна има доста расположен состав предводен од Томас Тухел. Лондонските „сини“ играат многу подобро со новиот стратег со кој немаат досега пораз, четири победи во Премиер лигата, двапати ремизираа, а имаат и еден триумф во ФА купот за пласман во четвртфиналето.
Tonight's entertainment… ?
???? ? ????? ?? ??? ?#UCL | #UCLfixtures | @GazpromFootball— UEFA Champions League (@ChampionsLeague) February 23, 2021
Проблем за Атлетико може да биде податокот кој вели дека Луис Суарез не успеал да постигне гол во претходните неколку европски мечеви (поточно, од 2015 година не реализирал погодок на гостувањата, а во претходните четири сезони со Барселона постигна 10), но Симеоне верува во неговите квалитети.
Во шпанската екипа повредени се Караско, Хименез, Херера, Трипиер и Врсаљко, а за премиерлигашот поради повреда недостасува Силва.
Баерн нема победа од Светското првенство за клубови (11 февруари), потоа следуваа изненадувачкото реми дома со Арминија (3:3) и поразот на гости кај Ајнтрахт (2:1) во Бундеслигата.
Римските „небесно-сини“ се засега „далеку“ од трката за Скудетото во Италија, но имаат сериозни амбиции и следната сезона да бидат дел од елитното европско натпреварување. Италијанците нема да може да сметаат на Луиз Фелипе, Раду и Стракоша за првите 90 минути со баварскиот гигант кој пак има доста поголеми проблеми. Во бундеслигашот позитивни на ковид-19 се Милер и Павар, а на повреди се жалат Коста, Гнабри, Куаси, Нубел, Тилман и Толисо.