Лото афера: Извлечени броевите 5, 6, 7, 8, и 9, добитната комбинација ја погодиле дури 20 играчи
Победничката комбинација од последното коло на играта на среќа во Јужна Африка, каде беа извлечени броевите 5, 6, 7, 8 и 9, предизвика обвинувања дека станува збор за измама.
На националната лотарија PowerbBall извлечен беше и џокер број и тој гласеше 10, пренесува BBC.
Според организаторите, победничката комбинација ја погодиле 20 лица, од кои секој освоил 370.000 американски долари. Други 79 добитници освоиле вкупно 6.283 долари откако ги погодиле броевите од 5 до 9, но не и џокер бројот.
Иако организаторите наведуваат дека ваквите бројки често се бираат, покрената е истрага за извлекувањето поради сомневања за неправилности.