Лондон прогласен за најдобар град во светот (ФОТО)
Откако минатата година се најде на второто место после Париз, престолнината на Англија се искачи на тронот на овогодинешното рангирање…
Оваа листа е базирана на податоци собрани во текот на изминатата година, а сите посетители на Лондон сложно гласале и го довеле на водечката позиција. Според истражувањето, кралската свадба на Меган Маркл и принцот Хари имала силен ефект врз целиот свет. Луѓето сакаат да одат по улиците по кои се оделе и членовите од кралското семејство, истражувајќи што се може да им понуди Лондон.
По кралската свадба, посетата на Бекингемската палата и промената на стражата пораснала за дури 213% за време на претходните 12 месеци. Сепак, и да не сте преголем фан на кралското семејство, овој град во себе крие нешто и за вас.
Лондон има возбудлива историја, како центар на креативноста и слободното размислување, од Шекспир до раѓањето на панк движењето и модните писти на денешницата. Неговата креативна енергија и културна разновидност, можат да се почувствуваат во секој негов аспект: храна, мода, уметност, изложби, бутици, продавници и ноќен живот.
Овој град има музеи, барови, улични изведувачи и се што може да посакате. Изобилство на луксузни хотели, ресторани, галерии, бутици со висока мода и се останато, го претвораат Лондон во земја од бајките, за сите оние кои се љубители на традиционални патувања.