Лондон, Америка и протести: Балон во форма на Доналд Трамп како музејски експонат
Огромен балон во форма на Доналд Трамп како бебе, кој прелета над Лондон за време на протестот за време на посетата на претседателот во заминување на Америка во Велика Британија, најде нов дом. Лондонскиот музеј го купи за да го изложи во колекција посветена на протестите.
Балонот, висок шест метри, прелета над Плоштадот на парламентот за време на работната посета на претседателот на САД во Велика Британија во јули 2018 година.
Од лондонскиот музеј соопштија дека станува збор за „извонредна и имагинативна идеја“ и „одговор на Лондончани“ на посетата на Трамп.
Огромен балон го прикажува американскиот претседател како носи пелена и држи мобилен телефон.
Креаторите на балонот рекоа дека се надеваат дека тоа ќе биде „потсетник на отпорот за време на претседателскиот мандат на Трамп“.
Директорката на лондонскиот музеј, Шерон Амент, рече дека музејот „не е политички и нема поглед на политичката состојба во земјите“, но балонот се сфаќа како типичен британски хумор со допир на сатира.
– Честопати користиме ваков вид хумор. И се потсмеваме на политичарите. Ова е голем – буквално – пример за тоа, рече таа.