Лиза Мари Присли месечно трошела 400.000 долари на одвикнување од зависности
Музичарката Лиза Мари Присли почина на 12 јануари, на 54-годишна возраст, како последица на срцев удар. Таа беше единствената ќерка на „кралот на рокенролот“ и плод на големата љубов помеѓу Елвис и Присила Присли. Лиза го наследи талентот за музика од татко ѝ, а неверојатната убавина од мајка ѝ. Со други зборови, таа беше совршена комбинација, но животот не ѝ сервираше убави нешта.
Како и нејзиниот татко, Лиза Мари се борела со зависност од лекови против болки. Откако ја прекинала врската со нејзиниот четврти сопруг Мајкл Локвуд, таа се пријавила во установа за рехабилитација.
„Има приватен тим за детоксикација за 400.000 долари месечно, а сите лекари доаѓаат во нејзината соба“, изјавил во една прилика извор близок до семејството, тврди „Marca“.
Присила Присли била преокупирана со борбата на својата ќерка против зависностите и „често ја посетувала“, а извори тврдат дека нејзината зависност од таблети против болки започнала пред да се раздели со Мајкл Џексон. Тврдела дека има „неиздржливи болки во грбот“.
Други тврдат дека ужасниот скандал со нејзиниот сопруг Локвуд, кој ги злоупотребувал нејзините финансии, многу ѝ го отежнал животот, а Лиса Мари доживеала „целосен емоционален слом и работите излегле надвор од контрола“.
Имот вреден 500 милиони долари: Кој ќе го наследи Грејсленд по смртта на Лиза Мари Присли?