-1 C
Скопје

Ливерпул во судиското продолжение остана без победата

Брајтон и Ливерпул одиграа 1:1 во 10. коло од Премиер лигата откако домашниот тим до бодот дојде со голот на Паскал Грос од пенал во 93. минута.

Ливерпул може да жали за победата не само поради тоа што прими гол во судиското продолжение туку е дека му беа поништени два гола поради офсајд.

Веќе стана правило во Премиер лигата, ВАР технологијата да им создава големи проблеми на екипите, и повторно оштетен беше Ливепрул. Во втората минута од судиското продолжение на судијата Атвел од ВАР собата му јавија дека Енди Робертсон при избивањето на топката го шутна Велбек во казнениот простор. Снимката покажа дека тоа навистина се случило иако Робертсон немаше таква намера, но судијата досуди пенал кој Грос го реализира и му донесе голем бод на Брајтон.

Прочитајте и...  Прва жртва на релито Дакар, француски мотоциклист почина на пат кон родниот Лил

Брајтон можеше многу порано да постигне гол, поточно во 20. минута кога Вилијанс направи прекршок во својот казнен простор, но Моуп не беше прецизен.
Во 34. минута Ливерпул преку Мохамед Салах постигна гол кој беше поништен поради офсајд.

Во второто полувреме, Ливерпул поведе во 60. минута преку Диого Жота за кого ова беше петти гол сезонава во Премиер лигата. Во финишот и Садио Мане постигна гол кој беше поништен поради офсајд, за Брајтон преку Грос да го шокира Ливерпул во 93. минута.

Поврзани вести

СП Египет: Рутински победи на Данска и Унгарија

Слободен печат

Евролига: Изненадување во Пиреја, Фенербахче зареди со победите

Слободен печат

ВИДЕО: „Дерби дела капитале“ во знакот на Лацио

Слободен печат

Кошаркарите на Пелистер остануваат перфектни, го решија и МЗТ Скопје 

Слободен печат

Турција без проблеми по втор пат ја совлада БиХ

Слободен печат

Српски репрезентативец нокаутиран на тренинг на Кристал Палас

Слободен печат

Остави Коментар