Ливерпул веќе шампион, Премиер лига со 22 екипи и се укинува Лига купот!?
Многу повеќе „контроверзи“ би имало во одредувањето на учесниците во еврокуповите, доколку моменталната табела во Премиер лигата се земе во предвид како конечна.
Како што е веќе познато, Премиер лигата поради епидемијата на коронавирусот е одложена и ќе биде во карантин до 4 април.
Поради коронавирусот нема фудбал викендов во Премиер лигата, но затоа на многу теми шпекулираат британските медиуми, а едно од прашањата е дали сега да заврши сезоната 2019/20?
Исто така експертите во Англија предвидуваат дека многу мали се шансите Премиер лигата и Чемпионшип бидат продолжени после тринеделната пауза.
Фудбалерите на Ливерпул убедливо се првопласирани во Премиер лигата, имаат 25 бодови повеќе од второпласираниот Манчестер сити.
Liverpool will be awarded the Premier League title even if the rest of the season is cancelled, according to the Telegraph ? pic.twitter.com/r0fMuMBPRl
— Goal (@goal) March 13, 2020
Нивниот поход кон првата титула во 30 години е прекинат поради заразата. А како што пренесува британскиот „Телеграф“, дури и да заврши сега сезоната, ништо драстично не би се променило на врвот во генералниот пласман.
Според овој извор Ливерпул веќе е шампион и воедно тврди дека голем број на клубови се против продолжување на натпреварувањето.
Многу повеќе „контроверзи“ би имало во одредувањето на учесниците во еврокуповите, доколку моменталната табела во Премиер лигата се земе во предвид како конечна.
Во тој случај Ливерпул, Манчестер сити (потсетување дека „граѓаните“ добија забрана од УЕФА), Лестер и Челзи, моментно први четири тима на табелата. Но, „Телеграф“ пишува, како постои идеја во ЛШ одат оние екипи што играа оваа сезона?! Звучи неверојатно..А тука дури е и додатокот, што Лестер и Манчестер јунајтед би можеле во некакви „квалификации“.
Во ваков развој на ситуацијата тешко е да се поверува, ова што го „нудат“ Англичаните не би било баш по мерак на УЕФА.
Според „идејата“ на „Телеграф“ оваа сезона не би имало испаѓање од елитниот ранг и тоа се поклопува со гласините од Шпанија и Германија. Имено, сите три лиги се најблиску до одлуката наредната сезона да бројат по 22 клуба.
Исто е и во Шпанија, додека Германците сакаат да воведат и трет клуб од втората Бундеслига, односно според правилата тоа место донесува бараж и право на клубот да се бори за елитата. Е сега, со цел Бундес лигата да не брои непаран број на учесници, четвртопласираниот Хајденхајм би бил почестен со прво учество во најсилната германска лига во историјата.
Конкретно во Англија нови членови би биле ВБА и Лидс на нашиот Алиоски, моментно првопласираните две екипи во Чемпионшип. А на лето 2021 би испаднале пет екипи.
Во лига со 22 екипи и 42 кола, распоредот би бил уште погуст. Затоа постои и план Англичаните за наредната сезона да го укинат Лига купот, можеби најмалку важно натпреварување.
Па така, термините во тоа натпреварување би ги преземала Премиер лигата и проблемот би бил решен.
Значи, сето ова се само претпоставки, предвидувања, шпекулации, останува да се види што ќе се случува во наредните месеци…