На Ливерпул му беа потребни само 45 минути да ги реши сите дилеми околу победникот во дуелот со Порто во првиот четвртфинален натпревар во ЛШ. Наби Кеита во 5. минута го отвори резултатот, а Роберто Фирмињо во 26 минута го постави конечниот резултат.

Сепак, тренерот на Ливерпул Јирген Клоп ги предупредува своите играчи дека се уште ништо не е готово за пласман во полуфиналето ќе мора да се одиграат уште 90 минути.

– Среќни сме од играта и резултатот но ова беше прв натпревар и не очекува доста неизвесен реванш. Постигнавме два гола и ја контролиравме играта во поголем дел на натпреварот. Иако 2:0 е добар резултат, се уште ништо не е готово, мора да се бориме во реваншот – вели Клоп.

Двете екипи се сретнаа и минатата сезона, во осминафиналето и како победник излезе Ливерпул кој го елиминира Порто со вкупен резултат 5:0.