Екипата на Ливерпул ја продолжува неверојатната доминација во Премиер лигата и во 22. Коло дојде до 20. победа. Последна жртва на „црвените“ е Тотенхем кој е совладан со минимални 0:1. Човек на одлука беше  Роберто Фирмињо кој во 37. Минута го постигна единствениот гол на натпреварот.

Во второто полувреме, Ливерпул одлучи да го брани водството и му дозволи на Тотенхем да го  контролира поседот на топката и таквата игра можеше да им се одбие од глава.

Уште на стартот од вториот дел, Сон од десетина метри шутираше над голот на Алисон, додека во самиот финиш на натпреварот, Ло Селсо во петерецот на Ливерпул соби одлична топка од Орие но шутираше покрај стативата.

По 22. кола, Ливерпул има 61 бод, дури 16 повеќе од второпласираниот Лестер, а има и наптревар помалку.