Денеска во дербито од второто коло во Премиер лигата составот на Ливерпул со конечни 0:2 триумфираше против големиот ривал Челси.

Играчите предводени од менаџерот Јирген Клоп покажаа зошто се бранители на шампионската титула и на стадионот „Стемфорд бриџ“ ја забележаа втората победа сезонава.

Пред крајот на првото полувреме лондонските „сини“ останаа без Кристенсен кој доби црвен картон поради прекршок од зад грб. Ова го искористија „црвените“ во вториот дел, во 50 минута после една убава акција Фирмино асистираше до Мане кој со глава ја испрати топката во мрежата на Кепа.

Токму шпанскиот голман четири минути подоцна направи катастрофална грешка, не ја отстрани навремено топката од казнетиот простор, ја украде Мане кој го постави конечниот епилог.

Во 75 минута Челси имаше можност да намали од пенал и барем се обиде да ги задржи шансите за добар резултат, но непрецизен беше Жоржињо.

GET IN, REDS!! ?

— Liverpool FC (@LFC) September 20, 2020

Во следното трето коло Редси ги очекува уште еден голем дуел, на својот „Енфилд“ на 28 септември ќе го пречекаат Арсенал, додека два дена порано Челси гостува кај Вест Бромвич.

Во претходните два меча од неделната програма, Тотенхем на гости со 2:5 кај Саутемптон, а Њукасл дома беше убедливо совладан од Брајтон (0:3).

Премиер лига: Саутемптон само го налути тандемот Сон-Кејн! (ВИДЕО)