Ливерпул на лето ќе го жртвува Салах за две екстра засилувања
Менаџерот Кирген Клоп има јасна слика кои фудбалери ги сака на лето, но и од која ѕвезда е подготвен да се откаже.
Европскиот шампион Ливерпул го означи Џејдон Санчо како главен приоритет во летниот преоден рок. „Црвените„ веќе ја известиле Борусија Дортмунд дека сакаат да започнат преговори за трансфер на одличниот англиски репрезентативец.
Во Ливерпул се надеваат дека одличните односи на Клоп со управата на „милионерите“ ќе биде пресудна за лидерот во Премиер лигата да успее да го договори трансфер на Санчо кого го бараат речиси сите европски гиганти.
Исто така на „Енфилд“ играат на картата на големото пријателство на Санчо со Александер-Арнолд, Окслејд-Чембрлен и уште неколку млади фудбалери со кои беше соиграч во репрезентацијата.
Главни конкуренти на Ливерпул за потписот со Џејдон Санчо се двата тима од Манчестер, Јунајтед и Сити, но Ливерпул е во предност бидејќи е подготвен веднаш да плати 120 милиони евра.
Клоп планира од Бундес лигата да донесе уште едно големо засилување, одличнио напаѓач Тимо Вернер од Лајпциг. Медиумите и во Германија и во Англија шпекулираат дека овој трансфер е сигурен и на лето германскиот репрезентативец за сума од 70-тина милиони евра ќе се пресели на „Енфилд“. Ливерпул исто така планира да ја засили и одбраната со дефанзивецот на Витесе, Макс Кларк.
За да дојде до Санчо и до Вернер, Ливерпул ќе мора да продаде еден од своите најдобри фудбалери. Се чини дека Клоп е подготвен да го жртвува Мохамед Салах. Во Ливерпул не се задоволни од желбата на Салах да биде дел од египетската репрезентација која ќе настапи на Олимписките игри во Токио, што значи дека би го пропуштил стартот во Премиер лигата.