Фудбалерите на Ливерпул ја совладаа на гостински терен екипата на Норич со резултат 0:1. „Редси“ со тој триумф стекнаа 25 поени предност во однос на второпласираниот тим на Премиер лигата, Манчестер сити.

Имаат 17 победи по ред во Премиер лигата, во десет од нивните последните 11 настапи во лигата немаат примено погодок..

10/11 – Liverpool have kept a clean sheet in 10 of their last 11 Premier League matches, this after having only kept one shutout in their previous 11 such games before this. Wall. pic.twitter.com/fs7qydmedY

— OptaJoe (@OptaJoe) February 15, 2020

100 – Sadio Mane's opener for Liverpool was his 100th goal for English clubs across all competitions (75 for Liverpool and 25 for Southampton). Breakthrough. #NORLIV pic.twitter.com/TRc7RaZukb

— OptaJoe (@OptaJoe) February 15, 2020

Екипата на Јирген Клоп продолжува да „гази“ сè пред себе, иако до 78. минута не изгледаше така на теренот. „Фенерџијата“ Норич не се предаваше така лесно, блескаше нивниот голман Тим Крул.

Единствениот погодок на „Керод роуд“ стадионот беше Садио Мане кој беше пронајден од Џордан Хендерсон, а Сенегалецот одлично се снајде против двајцата дефанзивци на Норич, Максимилијан Аронс и Кристоф Зимерман. Мане пред голот влезе во игра во 60. минута како замена за Окслејд-Чемберлејн.

Погодокот прво помина низ ВАР проверка поради евентуален прекршок на Мане врз Зимерман, но судиите утврдија дека нема нерегуларности. Тоа беше 100. погодок на Сане за англиските клубови, вкупно 75 досега во дресот на Ливерпул, а 25 запиша за Саутемптон.

Со оваа победа „црвените“ се квалификува за наредната сезона во Лигата на шампионите. Ја запишаа 17 победа по ред во домашниот шампионат и доволни им е во наредните 12 натпревари да триумфираат пет пат со цел да ја обезбедат титулата во Премиер лигата.

Претходно саботната програма започна со еден интересен меч на „Ст. Мери`с“ каде што Барнли славеше против Саутемптон (1:2).