Ливерпул „мириса“ титула, совладан и Вест Хем за „плус 19“! (ВИДЕО)
Остануваат фудбалерите на германскиот менаџер Јирген Клоп остануваат единствени без пораз во Премиер лигата и се првопласирани со 70 бодови.
Денеска во рамките од 18. коло во заостанатиот натпревар од најсилното англиско првенство составот на Ливерпул ја оправда фаворитската улога на гостувањето кај Вест Хем со резултат 0:2.
Овој меч беше одложен поради настапот на „црвените“ на Светското клупско првенство во декември кое успеаја да го освојат.
После првото полувреме водеа Редси со погодокот на Салах кој беше прецизен од белата точка во 35. минута од средбата на Олимпискиот стадион во Лондон.
Египетскиот интернационалец на овој меч беше и асистент, односно убаво го пронајде Окслејд-Чемберлејн кој во 52. минута ја затресе мрежата на Фабиански за поставување на конечниот епилог.
Од стартот на сезоната 2017/18, Салах постигнал и асистирал во 14 различни премиерлигашки мечеви, пет повеќе од било кој играч во овој период.
Ливерпул со овој триумф оствари уште еден рекорд, имено успеа да ги совлада сите оваа сезона во Премиер лигата, што не му успеало на ниту еден тим во историјата на ова натпреварување.
Остануваат фудбалерите на германскиот менаџер Јирген Клоп единствени сезонава без во Премиер лигата и се првопласирани со 70 бодови, дури 19 повеќе од второпласираниот Манчестер сити.