Ливерпул ја одреди цената за Мане
Напаѓачот на Ливерпул, Садио Мане се наоѓа на листата на желби на Реал Мадрид. Тренерот Зинедин Зидан го гледа Мане како идеално решение во нападот на „кралевите“, а ваквата идеја е прифатлива и за претедателот Перез.
Сепак, евентуалната реализација на трансферот на Мане во Реал Мадрид, нема да се случи ова летопоради управата на англискиот премиерлигаш. Според весникот „Експрес“, челниците на Ливерпул бараат дури 200 милиони евра за „слободата“ на Мане, а откако ја слушнал цената, Флорентино Перез се откажал од идејата за ангажман на голгетерот на англискиот тим.
Реал Мадрид летово сака да пазари на „Енфилд“, бидејќи претседателот Перез имал неколку средби со менаџерот на Мохамед Салах, но и во овој случај цената за евентуалниот трансфер не би била помала од 200 милиони евра.