Ливерпул со многу мака го совлада тимот на Ватфорд со 2:0 за 16. победа во 17. коло од Премиер лигата. Мохамед Салах ги постигна двата гола за Ливерпул кој по денешните натпревари ја зголеми предноста на табелата.

„Црвените“ со новите три бода сега имаат 49 бодови, 10 повеќе од второпласираниот Лестер кој пред своите гледачи одигра само 1:1 против Норич.

Ремито значеше и крај на серијата од осум победи по ред во Премиер лигата. Пуки донесе водство за Норич, но во 38. минута, гостинскиот голман Крул со несмасна реакција си постигна автогол.

Уште поголем шок доживеа Челси кој е поразен на „Стемфорд бриџ“ од Борнмут со 0:1. Победничкиот гол на натпреварот го постигна Дан Гослинг во 84. минута.

Резултати:
Ливерпул – Ватфорд 2:0, Барнли – Њукасл 1:0, Челси – Борнмут 0:1, Лестер – Норич 1:1, Шефилд – Астон Вила 2:0.