Лидерот на табелата во Премиер лигата, Ливерпул по пауза од три месеци го продолжи походот кон првата титула која ја чека 30 години. Играта на Ливерпул беше далеку од таа пред паузата кога ги мелеше своите противници, и на крајот „црвените“ може да бидат задоволни со освоениот бод бидејќи Евертон имаше две одлични шанси во финишот.

Првото полувреме не беше премногу интересно, Ливерпул имаше поголем посед на топката но евидентно беше дека паузата влијаеше на физичката подготвеност и реализацијата.

Во вториот дел, Евертон имаше неколку одлични шанси да постигне гол, но како и одличниот удар на Трент Александер Арнолд не завршија во мрежата на голманите Алисон, односно Пикфорд.

По овој натпревар серијата без пораз на Ливерпул во градското дерби изнесува 19 средби по ред, додека менаџерот Јирген Клоп е во серија од 11 натпревари без пораз од Евертон.

За разлика од Ливерпул, Челси за две минути успеа да направи пресврт и негативата да ја претводи во триумф кој ги приближи до Лигата на шампионите. Астон Вила иако беше во подредена позиција во текот на целиот натпревар, поведе во 43. минута со голот на Хаус.
Сепак во второто полувреме Челси успеа да направи пресврт и тоа за само две минути, во 60. минута Пулишиќ израмни, додека Жиру во 62. минута донесе победа за Челси.