ЛИТЕРА 2020: Уметничка вредност на илустрацијата
Македонскиот сликар и илустратор Ване Костуранов ќе биде уметнички директор на второто издание на Меѓународниот фестивал за литература за деца и илустрација „Литера 2020“. Костуранов со своето искуство и знаење ќе придонесе за збогатување на визуелниот и содржинскиот сегмент на фестивалот.
По премиерното издание минатата година, организаторите најавуваат дека „Литера 2020“ ќе биде уште повозбудливо доживување за најмладите, родителите и професионалците. Целта на фестивалот е на интересен и креативен начин да се поттикнат читателски навики, да се создадат високи естетски вредности и да се подигне свеста за важноста на емоционалната интелигенција кај децата. Професионалците ќе имаат можност да присуствуваат на мастер-класови на светски имиња во полето на илустрацијата. „Литера 2020“ ќе се одржи од 10 до 12 април во Младинскиот културен центар во Скопје.
(Текстот е објавен во „Културен печат“ број 17, во печатеното издание на „Слободен печат“ на 8-9 февруари 2020)