Холивудската ѕвезда Линдзи Лохан, заедно со познатиот јутубер Џејк Пол и уште пет други познати личности, меѓу кои раперот Соулџа Бој, пејачот Остин Махоун, порно актерката Кендра Ласт, раперот Лил Јахти, пејачите Не-Јо и Ејкон беа обвинети од американските регулатори за учество во нелегална крипто шема, пишува „Би-би-си“. Преку социјалните мрежи, каде што само Лохан има 8,4 милиони следбеници, тие промовирале два крипто токена без да откријат дека им биле платени за рекламата.

Обвиненијата беа објавени од страна на американската Комисија за хартии од вредност (СЕЦ) во вчерашното соопштение. Лохан и Пол платиле за да ги решат обвиненијата без да ја признаат вината.

„Групата ги промовираше крипто-средствата TРX и БTT без да открие дека тие се компензирани за тоа и колкав е нивниот износ на компензација“, соопшти Комисијата.

Американската комисија тврди дека Лохан е државјанка на Дубаи и досега платила 10 милиони долари и уште 30.000 долари казни за да се откаже од обвинувањата дека активно барала инвестиции во неликвидните токени.