Ликовна дејност: МКЦ упати повик за учество во ликовната програма
Уметниците што сакаат со проекти од областа на визуелните и применетите уметности да бидат дел од ликовната програма на МКЦ во 2021 година, можат онлајн да се пријават со аплицирање преку сајтот на МКЦ. На повикот можат да се пријават автори, куратори, уметнички групи/колективи, уметнички и културни организации и институции.
Учесниците ќе бидат селектирани врз основа на поднесените апликации, за кои ќе одлучува комисијата и програмскиот колегиум на МКЦ. Квалитет, иновација, потреби од МКЦ и карактер во опсег на предложениот концепт, се главните критериуми при селекцијата на уметниците и нивните дела. Дозволени се сите уметнички форми и медиуми реализирани со кои било инструменти или техники.
Повикот за аплицирање е отворен најдоцна до 17 февруари 2021 година.
(Текстот е објавен во „Културен печат“ број 67, во печатеното издание на „Слободен печат“ на 6-7 февруари 2021)