Двата натпревари во вечерниот термин од Лигата на нации од кои најмногу се очекуваше завршија без голови.

Дуелот на едни од најдобрите фудбалери на денешницата Килијан Мбапе и Кристијано Роналдо односно Франција и Португалија заврши без голови. Голови немаше ниту на натпреварот кој се играше во Гдањск, каде Полска ја пречека Италија.

Најубедливата победа во Лига А ја оствари Данска која со 3:0 славеше на гостувањето кај Исланд. Сигурјонсон со автоголот на крајот од првиот дел и донесе водство на Данска, додека Ериксен на стартот од второто полувреме зголеми на 2:0, додека конечниот резултат го постави Сков во 61. минута.

Во Лига Б, селекцијата на Србија е поразена во Белград со минимални 0:1 од Унгарија. Единствениот гол беше дело на Норберт Кенјвеш кој ја искористи грешката на Гачиновиќ и го совлада голманот Рајковиќ.

Русија и Турција ги поделија бодовите играјќи 1:1, додека Австрија ја оправда фаворитската улога и славеше со 0:1 на гостувањето кај Северна Ирска.

Во Лига Ц, фаворитите остварија очекувани победи, Грција на домашен терен со 2:0 беше поуспешна од Молдавија, додека Словенија со голот на Вучкиќ го победи Косово.

Резултати:
Лига А
БиХ – Холандија 0:0
Англија – Белгија 2:1
Хрватска – Шведска 2:1
Франција – Португалија 0:0
Исланд – Данска 0:3
Полска – Италија 0:0

Лига Б
Република Ирска – Велс 0:0
Финска – Бугарија 2:0
Норвешка – Романија 4:0
Израел – Чешка 1:2
Русија – Турција 1:1
Северна Ирска – Австрија 0:1
Србија – Унгарија 0:1
Шкотска – Словачка 1:0

Лига Ц
Кзахстан – Албанија 0:0
Ерменија – Грузија 2:2
Естонија – Македонија 3:3
Литванија – Белорусија 2:2
Грција – Молдавија 2:0
Косово – Словенија 0:1