После ремито меѓу Фарски Острови и Македонија (1:1), денеска се одигра и вториот натпревар во групата 4 во Лигата на нации од Ц сегментот.

Репрезентацијата на Ерменија на домашен терен со убедлив резултат 4:1 славеше против Летонија.

Веќе во шестата минута ерменската селекција беше во водство со голот на Бичахчјан. Само три минути подоцна Летонците дојдоа до израмнување благодарение на автоголот на Харутјунјан.

Во 35 минута видовме уште еден автогол, но во мрежата на гостите, трагичар беше Дубра за 2:1 позитива на домаќините.

На стартот од вториот дел за 3:1 се погрижи Зеларајан, а конечниот епилог го постави Спертсјан во 86 минута на стадионот во Ереван.

Токму Ерменците ќе бидат нашиот следен ривал на 10 септември на Националната арена „Тодор Проески“ во Скопје во рамките од второто коло.

ФФМ ги одреди цените на билетите за натпреварот Македонија – Ерменија во Лигата на нации