Македонскиот репрезентативец Елиф Елмас од клупата за резервни играчи ја проследи победата од 0:1 на неговиот тим Наполи на гостувањето кај Реал Сосиедад во второто коло од Лигата на Европа.
Елмас беше дел од тимот на Наполи откако неодамна се опорави од коронавирусот, но тренерот Џенаро Гатузо не му даде можност да заигра. Единствениот гол на натпреварот го постигна Матео Политано во 56. минута од натпреварот.

Вториот италијански тим, Рома не успеа да дојде до победа на „Олимпико“ во дуелот со ЦСКА Софија. Фудбалерите на „римската волчица“ иако доминираа во текот на сите 90. минути, не успеаја да најдат начин да го совладаат голманот на ЦСКА, Бусато.

Останатите фаворити без поголеми проблеми дојдоа до победите, Арсенал и Бенфика славеа со идентични 3:0 над Дундалк односно Стандард Лиеж, додека на Ренџерс му беше доволен само еден гол против Лех.
Изненадување претставува поразот на Баер Леверкузен од 1:0 на гости кај Славија Прага. „Фармацевтите“ од 22. минута играа со играч помалку по исклучувањето на Белараби, а голот го примија на 10. минути пред крајот на натпреварот. Стрелец на победничкиот гол за чешкиот тим беше Олајинка.
Резултати:
Зорја – Брага 1:2
АЗ Алкмар – Ријека 4:1
Арсенал – Дундалк 3:0
Рома – ЦСКА 0:0
Бенфика – Стандард 3:0
Клуж – Јанг бојс 1:1
Гранада – ПАОК 0:0
Молде – Рапид Виена 1:0
Ница – Хапоел Бер Шива 1:0
Омонија – ПСВ 1:2
Ренџер – Лех 1:0
Реал Сосиедад – Наполи 0:1
Славија Прага – Баер Леверкузен 1:0