Динамо Загреб чиј капитен е македонскиот репрезентативец, Аријан Адеми со 3:1 ја совладаа ЦСКА Москва, си обезбеди европска пролет и воедно постави нов рекорд во Лигата на Европа.

Хрватскиот тим дури 527 минути не прими гол во Лигата на Европа, се до 77. минута од натпреварот кога Бистрович постигна гол за рускиот тим.

Претходно за Динамо головите ги постигнаа Гвардиол, Орсиќ и Кастрати,а македонскиот репрезентативец Аријан Адеми беше дел од првиот тим, но поради повреда беше заменет уште во 35. минута.

Пласман во нокаут фазата во Лигата на Европа која ќе се игра идната година, обезбедија екипите на Рома, Јанг Бојс, Арсенал, Молде, Баер Леверкузен, Славија Прага, Ренџерс, Бенфика, ПСВ, Гранада, Наполи, Реал Сосиедад, Лестер, Брага, Милан, Лил, Виљареал, Макаби Тел Авив, Тотенхем, Антверпен, Динамо Загреб, Волфсбергер, ХОфенхајм, Црвена звезда како и третопласираните екипи од групната фаза во Лигата на шампионите: Салцбург, Шахтјор, Олимпијакос, Ајакс, Краснодар, Бриж, Динамо Киев и Манчестер јунајтед.

Резултати:
Група Г
Брага – Зорја 2:0
Лестер – АЕК 2:0
Табела: Лестер 13, Брага 13, Зорја 6, АЕК 3

Група Х
Спарта П. – Милан 0:1
Селтик – Лил 3:2
Табела: Милан 13, Лил 11, Спарта П. 6, Селтик 4

Група И
М. Тел-Авив – Сиваспор 1:0
Вилјареал – Карабах (одложено)
Табела: Вилјареал 13, М. Тел-Авив 11, Сиваспор 6, Карабах 1

Група Ј
Тотенхем – Антверпен 2:0
Лудогорец – ЛАСК 1:3
Табела: Тотенхем 13, Антверпен 12, ЛАСК 10, Лудогорец 0

Група К
Динамо Загреб – ЦСКА Москва 3:1
Волфсбергер – Феенорд 1:0
Табела: Динамо 14, Волфсбергер 10, Феенорд 5, ЦСКА М. 3

Група Л
Либерец – Црвена З. 0:0
Хофенхајм – Гент 4:1
Табела: Хофенхајм 16, Црвена Звезда 11, Либерец 7, Гент 0