Лига на Европа: Црвена Звезда пукна „петарда“, пораз на Тотенхем (ВИДЕО)
Фудбалерите на Црвена звезда ја остварија најубедливата победа во првите натпревари од второто коло во Лигата на Европа, декласирајќи го Либерец со 5:1.
„Црвено-белите“ со двата гола на Бен обезбедија водство од 2:0, а до крајот на полувремето Либерец намали преку Матоушек. Во вториот дел, фудбалерите на Црвена звезда го растурија чешкиот тим и со головите на Гајиќ, Катаи и Фалчинели остварија убедлив триумф од 5:1 и ги освоија првите бодови во ЛЕ.
Непријатно изненадување доживеаја Тотенхем и Жозе Мурињо кои загубија со 1:0 на гостувањето кај Антверпен. Единствениот гол беше дело на Рефаелов во 29. минута.
Италијанскиот Милан продолжува со одличните игри на стартот од новата сезона во која нема пораз, а вечерва со 3:0 ја совлада Спарта Прага. „Росоњерите“ поведоа во 24. минута преку Брахим Дијаз, Рафаел Леао во второто полувреме зголеми на 2:0, а Диого Дало го постави конечниот резултат.
Македонскиот репрезентативец Аријан Адеми беше дел од тимот на Динамо Загреб кој успеа да освои бод на гостувањето кај ЦСКА Москва играјќи 0:0.
Резултати:
Милан – Спарта Прага 3:0
АЕК – Лестер 1:2
Антверпен – Тотенхем 1:0
Црвена Звезда – Либерец 5:1
ЦСКА Москва – Динамо Загреб 0:0
Феенорд – Волфсбергер 1:4
Гент – Хофенхајм 1:4
ЛАСК – Лудогорец 4:3
Лил – Селтик 2:2
Карабаг – Вилјареал 1:3
Сиваспор – Макаби Тел Авив 1:2