Лига Европа: Натпреварот Металург-Спачва без присуство на публика!
Првиот натпревар од двомечот од првото квалификациско коло во Лига Европа, меѓу екипите на Металург и Спачва од Хрватска, ќе се одигра во салата „Автокоманда“ на 30 август.
Истиот натпревар ќе започне од 19.00 часот и ќе се одигра без присуство на публика, според сите протоколи на Европската ракометна федерација.
Македонскиот претставник на својот противник му предложи двете средби да се одиграат во Скопје, но раководството на хрватскиот клуб го одби овој предлог.
Според тоа, првите 60 минути ќе се одиграат во утврдениот термин во Автокоманда, додека реваншот ќе се игра на теренот на противникот во Винковачко Село.
Оваа недела играчите на тренерот Зоран Кастратовиќ ја темпираат формата за новата сезона на традиционалниот турнир во Струга кој вчера го стартуваа со пораз од Еурофарм Пелистер.