Фудбалерите на Севиља и Интер ќе играат вечерва во финалето на Лига Европа (21.00 часот) на стадионот „Рејн Енерги“ во Келн, Германија).

Тоа ќе биде дуел помеѓу петкратниот освојувач и рекордер на ова натпреварување и миланскиот клуб кој трипати беше шампион на Европа, но исто толку пати го подигнуваше и пехарот во Купот на УЕФА.

Учинокот на Севиља во финалните натпревари во ова натпреварување е пет од пет, додека Интер три од четири.

Немаат некоја значајна улога во Лигата на шампионите, но затоа Шпанците доминираат во ЛЕ и не знаат за пораз во финалето. „Неро-аѕурите“ го играат првото европско финале после 10 години и ќе се борат за титулата која би можела да им ја спаси сезоната.

– Пред нас е страшно голем предизвик, бидејќи за противник добивме учесник во Лигата на шампионите, зад кој има многу големи партии во тоа натпреварување и посебно во нокаут фазата на Лига Европа. Италијанците дојдоа до тука, затоа што имаат доволно играчи со екстра квалитети и многу искусен тренер – вели стратегот на Севиља, Хулен Лотепеги.

Конте пред финалето со Севиља: Зборот „страв“ не постои во мојот речник