Марсело Биелса добро ќе го наплати пласманот на Лидс во Премиер лигата и тоа со зголемување на неговата плата.
Договорот кој му важи до крајот на неделата му носеше 6.6 милиони евра, а челниците на Лидс веќе подготвија нов договор за „лудакот“ кој ќе му носи 8.8 милиони евра годишно.

Новиот договор е награда за Биелса бидејќи го внесе Лидс во Премиер лигата и тоа по пауза од 16 години.

– Виктор Орта, Андреа Радризани и јас наскоро ќе седнеме на маса со Марсело и ќе разговараме за плановите за следната сезона. Тој има можност да го продолжи договорот, знае во која насока сакаме да одиме, ќе разговараме за оние играчки работи, како и за деталите што сè уште треба да се решат – изјави рече извршниот директор на Лидс Ангус Кинир.

Лидс за кого настапува и македонскиот репрезентативец Езгјан Алиоски, за пласманот во Премиер лигата како и од ТВ правата, наредната сезона ќе заработи дури 220 милиони евра.