Лидс „гази“ во Чемпионшип: Алиоски со првенец сезонава против Стоук! (ВИДЕО) – Слободен печат
СпортФудбал

Лидс „гази“ во Чемпионшип: Алиоски со првенец сезонава против Стоук! (ВИДЕО)

Одличен старт има досега тимот на Биелса кој одново ќе се обиде конечно клубот по подолго време да се врати во Премиер лигата.

Денеска во рамките од петтото коло во Чемпионшип, екипата на Лидс дојде до четвртата победа оваа сезона на гостувањето кај Стоук (0:3).

Македонскиот репрезентативец Езгјан Алиоски го одигра целиот натпревар, воедно придонесе во победата со погодок во 50 минута од средбата за зголемување на 0:2.

Бамфорд правовремено го пронајде нашиот играч кој се најде во вистинскиот момент и од непосредна близина ја затресе мрежата за голема радост кај навивачите на Лидс.

Претходно гол серијата ја започна Далас во 42 минута, а конечниот епилог го постави Бамфорд во 66 минута.

Моментно на табелата води Лидс со 13 бодови, пред Чарлтон кој има 11, а на делба на третото место по 11 се Свонси и Бристол сити. Токму Свонси е следниот противник на Лидс во шестото коло на Чемпионшип.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close