Претседателот на државата Стево Пендаровски информираше дека разговарале само за заклучоците на Советот на Европската Унија, а изборите сѐ уште не биле тема на маса на лидерската средба.

Пендаровски рече дека со лидерите на парламентарните политички партии се согласиле кој и да е во иднина на власт дека нема друга алтернатива, освен полноправно членство на земјава во ЕУ.

– Имаме јасен државен консензус дека тие стојат зад идејата на Северна Македонија што побрзо да стане земја-членка на Европската Унија – рече Пендаровски.

Пендаровски додаде дека не е тој што треба да каже дали треба да има избори, туку, во надлежностите на претседателот, каква и да е одлуката да биде консензуална. Им предочил на техничкиот аспект дека и земјава треба како последна да го ратификува НАТО протоколот, за да не се попречи процесот ако предвреме се распушти парламентот.

Шефот на државата по паузата се врти на средбата каде најави дека ќе зборуваат за брзи предвремени избори.