Левица: Ненародната одлука да поскапи струјата дополнително ќе ги осиромаши граѓаните

Оттаму бараат итна замена на гореспоменатите кадри со лица со интегритет и стручност, како и нивна одговорност за штетата, промена на начинот на функционирање на ЕСМ во однос на продажбата на вишоците

Партијата Левица обвинува дека поскапувањето на електричната енергија – и тоа само две недели по завршувањето на изборите – јасно демонстрира дека СДСМ се грижи само за профитот на компаниите блиски до власта инволвирани во овој бизнис.

,,Оваа ненародна одлука дополнително ќе ги осиромаши граѓаните, кои и сега се жртви на погрешната политика на СДС за справување со економските последици од коронавирусот. Изговорот на социјал-демократите дека плаќаме најниска цена за електрична енергија е дрско манипулирање кога над 400.000 жители живеат на работ на сиромаштија и сведочиме масовно иселување поради социјалната беда, корумпираноста и невработеноста. Потенцираме, генезата на сегашното поскапувањето на електричната енергија има своја историја и никако не е само поради причините кои ги наведе РКЕ, кои би предизвикале поскапување за нешто повеќе од 1.5%, а не повеќе од 7%. Еден од главните виновници за поскапувањето на струјата се енергетските политики на бившиот, “социјалдемократ” и вицепремиер Кочо Анѓушев и неговите пајташи инсталирани во енергетските компании ЕСМ (Електрани на Македонија) и МЕПСО.”, велат од Левица.

Прочитајте и...  „Кризата не боли и нас" – ССМ го одбележува Меѓународниот ден на млади

Оттаму додаваат дека невложувањето на државата во изградба на нови енергетски објекти (Чебрен, Галиште, делови од Вардарска долина и други), на сметка на сомнителни тендери за ископ на јаглен и ремонти на РЕК Битола, ќе го продолжи трендот на поскапување на електричната енергија и во годините кои следат. На граѓаните треба да им е јасно дека со ваква катастрофална, електроенергетска стратегија и промашени кадровски решенија, до крајот на 2025 година ќе плаќаат преку 60% поскапа струја од цената која ја плаќаат денеска.

,,Ваквиот тренд на политики многу брзо ќе предизвика и укинување на дневната ефтина тарифа, и тоа поради истите наведени причини, а не поради “усогласување” со европските практики. Ги повикуваме одговорните да го испитаат работењето на кадровските решенија на Анѓушев, со акцент на одговорниот на Операторот на електропреносниот систем при АД МЕПСО и неговото катастрофално менаџирање со водните ресурси во акумулациите – како и одговорните во ЕСМ задолжени за тендерите за ископ на руда, превоз и ремонти во компанијата.”, се вели во партиското соопштение.

Прочитајте и...  Од мај Агенцијата за вработување нема официјални податоци за бројот на невработени лица

Оттаму бараат итна замена на гореспоменатите кадри со лица со интегритет и стручност, како и нивна одговорност за штетата, промена на начинот на функционирање на ЕСМ во однос на продажбата на вишоците, односно ЕСМ да го заштеди водниот потенцијал со целогодишен увоз на одредена количина на електрична енергија по економско прифатлива цена, додека во месеците кога енергијата е скапа да продава од заштедените акумулации. Левица исто така бара мораториум за вработување во овие енергетски компании; укинување на Регулаторната комисија за енергетика и инкорпорирање на нејзините ингеренции во Министерството за економија.

Прочитај повеќе

Повеќето од половината Балканци кои работат во Германија се стручна работна сила

Слободен печат

Анкета: Секој втор Австриец сака работна недела од 30 часа

Слободен печат

„Кризата не боли и нас” – ССМ го одбележува Меѓународниот ден на млади

МИА Агенција

ПРВПАТ ПО 11 ГОДИНИ: Британија технички влезе во рецесија

Слободен печат

Од мај Агенцијата за вработување нема официјални податоци за бројот на невработени лица

Слободен печат

Во Велика Британија драстичен пад на бројот на вработени

Слободен печат

Остави Коментар

Прочитај повеќе

Засега нема добра волја за враќање на цената на струјата: Јавноста бранува ама безуспешно

Соња Кириџиевска

Мицкоски: За да не поскапи струјата треба да се намали маржата на универзалниот снабдувач

МИА Агенција

Пандемијата и натаму носи ризици за економијата

МИА Агенција

Што се случува на Вол Стрит? Капиталот премина од технолошките во други компании

Слободен печат

Европските берзи во плус трет ден по ред

Слободен печат

Шумското производство помало за пет отсто

МИА Агенција