Левица го кандидира Андреа Јанков за градоначалник на Центар

Андреа Јанков / фото:Левица

Партијата Левица вечерва соопшти дека го кандидира Андреа Јанков за градоначалник на скопската општина Центар.

39-годишниот Јанков, кој по професија е инженер-архитект, има 14-годишно искуство во приватниот сектор како овластен проектант и инженер за изведба. Тој е основач и претседател на здружението на граѓани „Го сакам Водно“, соопшти партијата.

„Неговата борба е насочена кон: хумано и самоодржливо урбано живеење; заштита и грижа за животната средина; борба со аерозагадувањето; зголемување на стандардот за зеленило по глава на жител; градење на мерит систем и демократизација на локалната самоуправа преку референдуми, народни иницијативи, собири на граѓани и зголемена граѓанска партиципација во носењето одлуки на општинско ниво“, се вели во соопштението на Левица.

Видео на денот