Левандовски: Многу е можно дека ова беше мојот последен меч за Баерн
Во последното 34 бундеслигашко коло екипата на Баерн Минхен одигра нерешено на гостувањето кај Волфсбург. Овој меч немаше никакво резултатско значење за двете екипи, бидејќи од една страна Баерн ја одбрани титулата, а од друга Волфсбург веќе обезбеди опстанок во елитата.
Роберт Левандовски постигна денеска уште еден гол за екипата на Баерн, што беше негов 35 за прва позиција на листата најдобри стрелци сезонава во најсилното германско првенство. Далеку зад него завршија Патрик Шик (Баер Леверкузен, 24) и Ерлинг Халанд (Борусија Дортмунд, 22).
Изминатиот период доста се шпекулираше околу иднината на 33-годишниот полски напаѓач кој има важечки договор со Баерн до 30 јуни 2023 година.
Во текот на денешниот ден спортскиот директор на клубот, Хасан Салихамиџиќ за германскиот „Скај Спорт“ потврди дека играчот нема намера да го продолжи договорот.
– Да, Левандовски ме информираше дека не сакаше да ја прифати нашата понуда и дека тој би сакал да го напушти клубот. Нашата позиција останува игра, Лева има договор до 2023 година. Тоа е факт – рече Салихамиџиќ кој негира понуда од Барселона за фудбалерот.
Bayern director Salihamidžić: “Yes, Lewandowski informed me that he didn’t want to accept our offer and he would like to LEAVE the club”, tells @SkySportDE 🚨🇵🇱 #FCBayern
“Our position has not changed, Lewa has a contract until 2023. That is a fact. Proposal from Barcelona? No”. pic.twitter.com/rONf7E121J
— Fabrizio Romano (@FabrizioRomano) May 14, 2022
По завршувањето на мечот со Волфсбург, Левандовски за полските медиуми изјави дека најверојатно го имаше последниот настап во дресот на Баерн.
– Многу е можно ова да беше мојот последен натпревар за Баерн. Не можам да го кажам тоа 100%, но можеби тоа беше мојот последен натпревар. Сакаме да го најдеме најдоброто решение за мене и за клубот – се зборовите на најдобриот фудбалер за 2021 година според ФИФА.
Левандовски со Баерн осумпати ја освои Бундеслигата, петпати Суперкупот на Германија, трипати Купот, а по еднаш Лигата на шампионите, УЕФА Суперкупот и ФИФА Светското клупско првенство.
Robert Lewandowski to @viaplaysportpl: “It’s very possible that this was my last game for Bayern. I cannot say that at 100%, but it may have been [my last game]. We want to find the best solution for me and for the club”. 🚨 #FCBayern @iMiaSanMia pic.twitter.com/ofjrdL7fxw
— Fabrizio Romano (@FabrizioRomano) May 14, 2022
ВИДЕО: Повторно имаме Македонец во Бундеслигата, Штутгарт обезбеди опстанок