Левандовски е подготвен на драстично намалување на платата само за да игра за Барселона

Роберт Левандовски /фото: EPA-EFE/FRIEDEMANN VOGEL

Полскиот репрезентативец Роберт Левандовски сè поизвесно е дека летово ќе го напушти Баерн и ќе се пресели во Барселона, пишува „Билд“.

Германскиот весник пишува и дека Баерн Минхен е подготвен да прифати многу пониска понуда од Барселона.

Управата на каталонскиот тим, според „Билд“, веќе подготвила понуда во која нуди 35 милиони евра отштета и плус нуди еден фудбалер кој од „Камп Ноу“ би се преселил во Минхен.

Весникот исто така пишува дека Левандовски сака да се пресели во Барселона и е подготвен за значително намалување на платата поради лошата финаниска ситуација на каталонскиот тим. Полјакот во Баерн заработува околу 23 милиони евра по сезона, а во Барселона би играл за 10 милиони евра годишно.

Договорот на Левандовски  кој сезонава даде 50 гола на 46 натпревари во сите конкуренции, истекува идната години, а одличниот напаѓач ги одби суте понуди на Баерн за продолжување на соработката.

 

Видео на денот