Најдобриот фудбалер на Полска, Роберт Левандовски не се наигра вчечавечер против Македонија во квалификациите за ЕП 2020. Тој призна дека Полска стигна до победа со среќен гол, а играта на неговата репрезентација била очајна.

– Дадовме среќен гол и после се повлековме за да го браниме резултатот. Верувам дека ќе бидеме подобри во иднина, но никаков бенефит немаме од ова. Ние мора да покажеме супериорност против вакви противници. Македонија не е таква класа да не може да направиме шанса, а фактот е дека можеби направивме едвај една и ова не е доволно за нашиот квалитет. Се мачиме, па после овој меч тешко е воопшто да се каже што беше позитивно,  освен резултатот – изјави Левандовски.