Летонската министерка за внатрешни работи поднесе оставка заради односот на полицијата на Денот на победата

Марија Голубева
Марија Голубева / Фото: EPA-EFE/VALDA KALNINA

Летонската министерка за внатрешни работи Марија Голубева денеска поднесе оставка на функцијата под притисок на владејачката коалиција, која ја критикуваше полицијата дека не им забранила на луѓето што зборуваат руски јазик да го прослават Денот на победата во Втората светска војна, на 9 мај.

Летонската полиција употреби сила за да ги растера стотиците насобрани лица во главниот град Рига, а кои главно зборуваат руски јазик, поради непочитување на законот што недомана беше донесен а со кој се забрануваат собири пред споменикот со кој се велича советската победа, јавуваат британските медиуми.

Министерката Голубева денеска кажа дека веќе не ја ужива поддршката од премиерот, пред сѐ, откако коалицискиот партнер и се закани со барање оставка во знак на протест поради одлуката на полицијата да дозволи мирни собири на 9 мај, денот кога Русија го слави Денот на победата во Втората светска војна.

„Што тоа говори за издржливоста на Летонија, доколку незначителен собир од само неколку стотици луѓе, кои два часа стојат во место, може да ја размрда владата“, рече тогаш Голубева.

Премиерот Крисјанис Каринс, кој се уште не ја искоментира оставката на Голубева, претходно изјави дека на митинзите не се почитуваше државноста на Летонија и споменот на жртвите од рускиот напад на Украина.

Видео на денот