Летонија прогласи вонредна состојба на границата со Белорусија
Летонија денеска прогласи вонредна состојба на границата со Белорусија и ја овласти граничната полиција да користи огнено оружје и сила за да спречи илегална миграција.
Летонија, како и соседна Литванија, се соочуваат со зголемен прилив на илегални мигранти од Блискиот Исток кои во земјата влегуваат од Белорусија во последните месеци.
Вонредната состојба ќе биде во сила од 11 август до 10 ноември, јавија локалните медиуми.
Границата меѓу Летонија и Белорусија е долга околу 175 километри.
Во последните четири дена, 283 лица беа приведени во Летонија за илегален премин од Белорусија. Ова е последица на тензиите меѓу Белорусија и ЕУ, а балтичките држави ја обвинуваат Белорусија дека се одмаздува за санкциите што ги воведе Унијата врз официјални лица од државата.