Летни температури денеска, од четврток заладување – Слободен печат
ВестиМакедонија

Летни температури денеска, од четврток заладување

Утринската температура ќе се движи помеѓу шест и 14, а дневната од 28 до 36 степени.

Времето во Македонија денеска ќе биде сончево и многу топло за овој период од годината. Поради високите температури вдолж Повардарието ќе биде активиран жолт метеоаларм.

Утринската температура ќе се движи помеѓу шест и 14, а дневната од 28 до 36 степени.

Во Скопје, сончево и многу топло. Утринската температура ќе се спушти до 12, а дневната ќе се искачи до 34 степени.

Во среда попладне ќе настапи значителна промена на временската состојба проследена со засилен ветер и опаѓање на температурата во северните делови. Во југоисточните делови сѐ уште ќе биде активиран жолт метеоаларм за високи температури.

Во четврток ќе преовладува променливо облачно и свежо време со повремени врнежи од дожд. Потоа во следните денови времето ќе биде стабилно со ниски утрински и дневни температури. Засилен северен ветер ќе дува и во петок.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close