Поранешниот НБА кошаркар Мајкл Џордан ја избра најдобрата петорка на сите времиња. Секако немаше потреби да биде скромен, тој секако би бил меѓу најдобрите во историјата, а интересно е тоа што сите играчи се од неговата ера.

– Можам да зборувам само за нив, за оние со кои сум играл, затоа мојот избор ќе биде ограничен на кошаркари од мојата ера – рече Џордан, според многумина најдобриот играч на сите времиња.

На позицијата плеј го постави легендарниот кошаркар на Лос Анџелес Лејкерс, Меџик Џонсон, како двојка е самиот Мајкл Џордан, потоа на позицијата крило е Скоти Пипен (неговиот соиграч од Чикаго Булс).

Michael Jordan
Magic Johnson
Scottie Pippen
James Worthy
Hakeem Olajuwon #realityofbasketball pic.twitter.com/xtSBe0u1v3

— Darren Apels (@DarrenApels) October 23, 2019

За четворка помалку изненадувачки е поставен Џејмс Ворти, кој со „езерџиите“ освои три шампионски прстени, и на центарот секако фантастичниот Хаким Олаџувон.

Значи, Меџик, Џордан, Пипен, Ворти и Олаџувон е изборот на неповторливиот, „Летечкиот“ Мајкл.

Шесткратен НБА шампион со Булси, 10 пати најдобар стрелец и петпати избран за најкорисен играч (МВП) во лигата. Девет пати бил избран во првата одбранбена петорка, а три пати бил најдобар по бројот на украдените топки.