Лесни победи на Работнички и МЗТ Скопје
МЗТ Скопје со триумфот над Куманово од 92:57 речиси го ја осигура првата позција на табелата и како прв фаворит ќе го започнат плејофот. На две кола до крајот на Суперлигата, „металците“ имаат две победи повеќе од Работнички и првата позиција би ја испуштиле доколку во дуелот со Работнички загубат со 25 или повеќе поени.
„Металците“ до осмата победа победа во осмото коло од Суперлигата дојдоа на убедлив начин откако сите дилеми околу победникот ги решија во втората четвртина која ја добија со 23:7.
Во отсуство на стандардните Бојиќ, Медфорд, Вудард и Маслинко, најпрецизни беа Магдевски со 17 и Самарџиски со 16 постигнати поени. Во редовите на Куманово, најпрецизни беа Ѓекиќ и Мекиќ со по 16 постигнати поени.
Актуелниот шампион со високи 99:70 го декласира Гостивар. Предводник на тимот од Градски парк беше Костов со 28 поени, додека Чековски уфрли 20 поени.
Во гевгелиската пресметка, Блокотехна ја продолжи победничката серија во дуелите со Кожув. Блокотехна до шестата победа во шесте натпревари сезонава , Блокотехна дојде со пресврт во последната четвртина.
Серијата од 20:3 ја „визира“ победата од 93:84 над Кожув со која дојде на чекор од обезбедување на третата стартна позиција во плејофот.
Кенет Фундербург одигра неверојатен натпревар постигнувајќи дури 40 поени, а Ѓумиќ даде 19 поени за Блокотехна, додека кај поразениот тим се истакна Пејн со 21 постигнат поен.