Лесна и убедлива победа на Металург против Скопје 2020
Денеска во рамките од 11 коло во машката Суперлига составот на Металург триумфираше над екипата на Скопје 2020 со резултат 33:24 (17:9).
Тимот од „Автокоманда“ ја прекина мини кризата од два порази и им се врати на победите, вкупно четврта во шампионатот.
Најефикасен во победничките редови беше хрватскиот интернационалец Хорват со осум голови, еден повеќе од Турчинот Озтурк. На спротивната страна по пет погодоци имаа Ф. Василевски и Чакалиќ, а четири беа дело на Димчевски.
Металург се наоѓа на осмото место со 12 бодови колку што има и деветтопласираниот Прилеп, а на дното единствен без триумф сезонава е Скопје 2020.
РК Металург: Дупјачанец, Брестовац, Бардаковски, Петров, Петковски 6, Субашевски 2, Хорват 8, Рибеиро, Лазаревски 4, Озтурк 7, Митиќ 3 и Маркоски 3. Седмерци: 2/3. Исклучувања: 8 минути.
РК Скопје 2020: Стојкоски, Ф.Василевски 5, Мишевски 1, Чакалиќ 5, Тркалевски 1, А.Василевски 2, Петковски, Пешкирски 2, Грујовски 1, Благопетров, Пешевски 1, Димчевски 4, Стојановски, Киселовски, Николовски и Калајџиски 2. Седмерци: 0/1. Исклучувања: 4 минути.
Славеше и екипата на Е. Пелистер, битолчани беа подобри против Прилеп со 41:24 во пелагониската пресметка и остануваат во борба за првата позиција пред влезот за разигрување за титулата.
Суперлига (мажи)
11. коло
Петок
Металург – Скопје 2020 33:24 (17:9)
Прилеп – Е. Пелистер 24:41 (12:22)
Табела:
1.Е. Пелистер 30 бодови
2.Вардар 1961 27
3.Е. Пелистер 2 22
4.Бутел 21
5.Т. Пролет 21
6.Охрид 15
—
7.Тиквеш 15
8.Металург 12
9.Прилеп 12
10.Струга 7
11.Радовиш 3
12.Скопје 2020 0