Лесна и посна: Салата со грав, маслинки и кромид
Доколку се двоумите што вкусно и посно да подготвите за ручек, а притоа сте во трка со времето оваа салата ќе ви ја олесни работата. Се подготвува брзо, доколку користите конзервиран грав – кој е главната состојка во салатата, а притоа може да експериментирате додавајќи зачини и различни видови зеленчук.
Од нутритивен аспект гравот може да се вброи во т.н. супер-храни. Тој освен што е богат со макронутриентите како протеини и јаглехидрати, богат е и со растителни влакна, а содржи и низа на микронутриенти, вклучително: магнезиум, железо, фолна киселина, витамин В6 и многу други.
Состојки:
– 250 г. бел грав
– 1 главица кромид
– 50 грама зелена салата
– 20 црни маслинки
– 3 лажици сечкан свеж магдонос
– сок од 1 лимон
– сол и црн пипер по вкус
Подготовка:
Измијте ја зелената салата и листовите убаво наредете ги на чинија за сервирање. Ако користите грав од конзерва подготовката е многу едноставна. Белиот грав треба да се свари во солена вода на тој начин што зрната ќе останат цели, односно да не бидат преварени.
Сварениот грав исцедете го и оставете го на страна убаво да се олади. Кромидот исечкајте го на ситни парченца. Во посебен сад измешајте го внимателно гравот, кромидот, додадете ги маслинките и ситно исечканиот магдонос.
Добар апетит!