Лесен триумф за Зверев, Тим спречи сензација
Австриецот и Германецот ги оправдаа улогите на фаворити во своите дуели и се пласираа во третото коло на Австралија Опен.
Седмиот носител, Александер Зверев без многу мака во три сета со 7:6,6:4,7:5 го совлада Белорусинот Герасимов и за прв пат во Мелбурн тој не губи сет во првите две кола.
За разлика од Зверев, петтиот носител, Доминик Тим успеа да спречи сензација и го совлада 140. тенисер на светот, Алекс Болт. Тим губеше со 1:2 во сетови но на крајот по три и пол часа победи со 6:2,5:7,6:7,6:1,6:2 и обезбеди пласман во третото коло.
Успешен настап имаше и четвриот носител, Данил Медведев кој во три сета со 7:5,6:1,6:3 го совлада Педро Маринес. Успешен настап во второто коло на Австралија Опен имаа и Гаел Монфилс и Џон Иснер.
Кај дамите, рутински победи остварија Каролина Плишкова и Анџелик Кербер. Плишкова со 6:3,6:3 ја победи Лаура Зигмунд, додека Кербер со 6:3,6:2 ја елиминира Присила Хон.