Една од најголемите музички ѕвезди на просторот на поранешна Југославија, Лепа Брена, денес го слави својот 60-ти родеден, а честитки пристигнуваат од сите страни. Колегите, пријателите и соработници ширум Балканот ѝ го честитаа роденденот.

По тој повод, нејзиниот долгогодишен пријател и соработник Саша Поповиќ ѝ приредил неверојатно изненадување. Во просториите на „Гранд“, специјално за Брена, Саша засвирел на хармоника.

„Ја знае секоја матрица. Ти благодарам“, Лепа коментираше за вештините на Саша, заблагодарувајќи му се за оригиналната честитка.

Покрај ова, јубилејниот роденден ѝ го честитале и нејзините две снаи, сопругата на Филип, Александра Пријовиќ и девојката на помладиот син Виктор, Сандра Милјаковиќ.

„Имајте ја таа веселост и насмевка на лицето засекогаш“, било дел од честитката на Сандра, која на социјалните мрежи сподели две заеднички фотографии од нивниот летен одмор.

„Среќен роденден, Беки“, кратко напишала Александра, која објави фотографија.