Американскиот глумец Леонардо Дикаприо се придружи во кампањата за поддршка на најстариот резерват на природата во Африка, по минатомесечниот смртоносен напад на чуварите на горилата во националниот парк „Вирунгa“ во Конго.

Националниот парк „Вирунгa“ е популарна туристичка атракција. Резерватот е познат како живеалиште на загрозени видови планински горила. Во април годинава од заседа беа убиени 12 чувари, а се претпоставува дека нападот го организирала паравојната група од Руанда.

Дикаприо одлучил финансиски да помогне на новооснованиот фонд, чија цел е да пружи потпора на обновата на паркот.

„Earth Alliance“, групацијата во чие основање учествувал и глумецот, донирала околу два милиони долари.

„Ми беше голема чест да ги запознаам храбрите членови на тимот на резерватот „Вирунгa“ во нивната борба против илегалното вадење нафта во 2013 година“, рече глумецот, кој беше извршен продуцент на филмот „Вирунгa“ од 2014 година, номиниран за Оскар.

„На Вирунгa итно му се потребни средства за заштита на загрозените видови планински горила, како и за помош на чуварите и на семејствата на загинатите кои биле на должност. Многу е важно во време на оваа голема криза да се држиме заедно“, рече Дикаприо.