Лекот „ранитидин“ во петокот е повлечен и од нашите аптеки, откако стаса предупредување дека тој може да биде опасен. Информацијата за повлекување на лекот во регионов прво ја објавија српските медиуми.

Како што објави српската агенција за лекови причина за повлекување на лекот е сомнеж на количината на пронајдени нечистотии во супстанцата на лекот. Европската агенција за лекови ќе ги провери сите готови лекови што содржат активна супстанција ранитидин хидрохлорид од различни производители. Контролата е почната на 12 септември.

Од нашата Агенцијата за лекови објаснуваат дека нитрозамини се ставаат во супстаниции кои што можат да предзвикаат канцер.  Во случајот со ранитидинот треба дополнително да се испита дали пациентите кои користат ранитидин се под било каков ризик. Лекови кои содржат ранитидин како активна супстанција имаат широка примена кај болни кои имаат проблеми со желудник.