Леклерк гневен на своите во Ферари
Шарл Леклерк продолжува да ги импресионира љубителите на Ф1, но се чини дека челниците на Ферари немаат слух за неговите одлични изведби сезонава. Леклерк на трите трки покажа дека е побрз од клупскиот колега но од Ферари инсистираат Фетел да биде прв возач на тимот. На јубилејната 1.000 трка во историјата на Формула 1 која се возеше за ГН на Кина му наредија во 11. круг да го пропушти Фетел кој на крајот заврши како третопласиран, додека Леклерк го загуби четвртото место од Верстапен.
– Ова е се навистина конфузно. Мора да постои добра причина за оваа одлука. Ќе мора да ја разберам пошироката слика во врска со се што се случи. Сакам да ги слушнам сите објаснувања за да сега не кажам нешто непримерно против тимот – изјави Леклер.
Веднаш по трката, од таборот на Ферери се обидоа да ја смират ситуацијата.
– Не сакавме да дадеме предност на било кој возач но го сторивме тоа што е најдобро за тимот во тие моменти. Јасно ми е како се чувствува Шарл, но мислевме дека Себастијан има повеќе шанси да се бори со болидите на Мерцедес. Леклер има право да биде лут и ние тоа го прифаќаме. Жал ни е што така испадна, но можеби следниот пат одлуката ќе биде во негова корист – изјави директорот на Ферари, Матија Биното.