„Лекип“ го нападна челникот на Јувентус: Ањели е опасност за иднината на европскиот фудбал
Францускиот „Лекип“ го означи претседателот на Јувентус, Андреа Ањели како лидер на диктатурата на големите фудбалери.
„Лекип“ го нападна Ањели дека е предводник на групата на најголеми фидбалски екипи кои сакаат да излезат од системот на УЕФА и да создадат свое сопствено натпреварување.
– Лигата на шампионите е ќерка родена од љубовта и идејата на „Лекип“ кој го врачи првиот трофеј на победникот Реал Мадрид, додека во иднина од диктатурата ќе се создаде ќерка налик на нивната алчност и слабостите на УЕФА. Најуниверзалниот спорт на планетата ќе стане заложник на каста на која институциите и се поклонуваат од страв дека повеќе нема да добиваат бенефиции“, пишува колумнистот на „Лекип“, Венсан Дулик кој не штеди зборови во обвинувањата кон Андреа Ањели.
„Ањели е опасност за иднината на европскиот фудбал, УЕФА е преслаба за да му се спротивстави. Реформата на Лигата на шампионите може да ја спречи појавата на Супер лига која ќе ја уништи културата и историјата на европскиот спорт. Пред една година Ањели како човек кој највеќе и штети на идејата на универзалноста на фудбалерите изјави дека присуството на Аталанта во Лигата на шампионите е неправедно. Мислам дека ние знаеме што е неправедно – тој кој со некои свои пријатели сака да ја креира иднината на европскиот фудбал“.